Soledade
Soledade est una die chena sole
Chin totu sos ammentos chi mi dolene
E raffiana che fritu de bennarzu
A guardia de custu tempus dannarzu
Soledade est unu mare prenu ‘e undas
Chin totu sos dispiacheres chi b’affundana
Ei sa cara de una femina in su ‘entu
A guardia de unu reu sentimentu
Mi ‘ido chirchende in cust’ora ‘e sa vida
Mi ‘ido fuinde in s’ora ‘e sa morte
Mi ‘ido riende in cust’ora ‘e sa vida
Mi ‘ido a sa muda in s’ora ‘e sa morte
Soledade est unu mundu chena pache
Ei totu custos cantos chena ‘oche
Ma in sa redossa istrada ‘e sa veridade
“Soledade” est ‘oltada “libertade”
Mi ‘ido chirchende in cust’ora ‘e sa vida
Mi ‘ido fuinde in s’ora ‘e sa morte
Mi ‘ido riende in cust’ora ‘e sa vida
Mi ‘ido a sa muda in s’ora ‘e sa morte
Die Texte der Lieder. Тексты песен - На сайте свыше 500 текстов песен.
|
