Se sun dessedàa che gh'era el tempuraal
e i me ciamàven tücc in un coro generaal:
Corri Noè che ti chiama il Principale
Oh santo cielo, l'é il Diluvio Universale!
Chissà cume mai gh'é vegnüü in meent de fàll
el muund a l'era spùrch e vureva lavàll
O forse come a tutti un dé gh'è giraa i ball,
sta di fatto che oooh, l'ha ris'ciàa de negàll!
Curevi cun l'elenco dei besti a fa l'appéll,
curevi giò in cantieer a preparà el batéll
e tücc che i reclamàva e che i faseva un gran spuvéll
e tücc che i reclamàva perché gh'éren mea l'umbréll
Ho vedüü l'Elefant che sfundava el Bancaréll,
ho vedüü anca el Lüff che ghe cureva adree al Purcéll,
ho vedüü la Zanzara che incülava un Pipistréll,
ho vedüü la Galéna che basava un Lavaréll
Calma, signori o ve làssi negà,
entrate uno per uno e desmetìla de rüzza
E disîgh a la Cicala de desmétt de ganassà
e disìigh al Cucudrìll de desmétt de caragnà
RIT:
Che acqua e che tempo e che umidità,
Noè che porta in salvo le aquile e i Guà Guà
Non ci si sa più come vestire,
chi non è annegato rischia di marcire
Ghe n'ho giamò piee i bàll e sémm gnammò patrii
g'ho anca i reumatismi e següti a starnüdi,
Giobbe el g'ha pazienza, ma me sun esaürii
in questo bastimento de bésti rembambii
Oh caro el mé Signuur che bröeta situaziòn
e ho anca capii chi l'è el püssee cujòn:
l'è el tò poor Noè, che manéggia el timòn,
in mézz a mila bésti e senza gnaa l'umbrìa di dònn!
Sémm in giir de un mees e sun me el remaduu
e deent in questa barca se crépa dall'uduu,
certi Cunìli hann giamò vedüü i neuu
oh caro el mé Signuur, quand'è che rüva el suu?
La Sciguéta la vùsa e giò a tucàss i bàll,
intaant che la Garigula intervista el Papagàll,
vi ho detto che il Mandrillo el vöeri mea de dree ai spàll,
giuro che el fùndi ‘sto cazzo de cumbàll
Rémi e rémi e rémi perché,
g'ho mea scrivüü Giocondo ma g'ho scrivüü Noé,
g'ho una fàmm de la malùra e bevi dumà el tè,
se tocco il Tacchino mi han detto guai a me
E l'acqua la vee giò che l'è un piasé,
ghe mancava anca el Gurìla che faseva el Karate,
l'Anguìla la diis che la vöer fa el bidé
Hann depilaa una Pülesa e l'è mea restà un granché
Me smoord el coo e me brüsen i öcc,
perché g'ho de fa razzà anca i Piöcc,
ma Guardate Macachi, l'è finida la nocc,
l'è scià anca el suu, giò tücc in genöcc!
E rüva la Culumba cun in bocca el ramm d'uliiv,
ma gh'è l'equipaggio che el vöer l'aperitiv,
i pésten giò l'üséll e ghe ròben i uliiv
e i vöeren anca el Campari Che lavatiiv!
(Grazie a Edus per questo testo)
Die Texte der Lieder. Тексты песен - На сайте свыше 500 текстов песен.
